КОРХОНАИ ВОҲИДИ ДАВЛАТИИ
"БАҚАЙДГИРИИ МОЛУ МУЛКИ ҒАЙРИМАНҚУЛ"

Фаъолияти КВД «Бақайдгирии молу мулки ғайриманқул» ва корхонаҳои фаръии тобеи он дар семоҳаи 1-уми соли 2026

МАЪЛУМОТ

оид ба натиҷаи фаъолияти КВД «Баќайдгирии молу мулки ѓайриманќул»

ва корхонаҳои фаръии тобеи он дар семоҳаи 1-уми соли 2026

 

Корхонаи воҳиди давлатии «Бақайдгирии молу мулки ғайриманқул» дар давраи ҳисоботӣ фаъолияти худро дар асоси қонунгузории амалкунандаи Ҷумҳурии Тоҷикистон, дастуру супоришҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон, Ҳукумати Ҷумҳурии Тоҷикистон, Кумитаи давлатии идораи замин ва геодезӣ, Оиннома ва нақшаи кории Корхона ба роҳ монда, корҳои назаррасро ба анҷом расонид.

Ҷиҳати иҷрои Амри Президенти Ҷумҳурии Тоҷикистон аз 08.01.26, №АП-960 оид ба иҷрои вазифаҳое, ки дар паёми Президенти Ҷумҳурии Тоҷикистон 16-уми декабри соли 2025 “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” зикр гардидаанд, нақшаи  чорабиниҳои дохилиидоравии КВД “Бақайдгирии молу мулки ғайриманқул” барои соли 2026 таҳия ва бо фармоиши директори Корхона аз 16.01.26, №18 тасдиқ гардида, воҳидҳои сохтори Корхона вазифадор гардидаанд, ки иҷрои нақшаи  чорабиниҳои тасдиқгардидаро таъмин намоянд.

Мутобиқи нақшаи чорабиниҳои тасдиқгардидаи Корхона барои соли 2026, санаи 29.01.26 оид ба шарҳу тавзеҳи дастуру супоришҳое, ки дар паёми Президенти Ҷумҳурии Тоҷикистон 16 декабри соли 2025 “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” зикр гардидаанд, вохӯрӣ дар реҷаи видеоконференсия бо коллективи кормандони КВД “БММҒ” ва КДФ “БММҒ дар шаҳру ноҳияҳои ҷумҳурӣ  баргузор гардид.

Чунин вохӯриҳо аз тарафи намояндагиҳо якҷоя бо кумитаҳои идораи замин вилоятҳо бо коллективи корхонаҳои минтақавии бақайдгирӣ ва кумитаҳои идораи замин дар вилояти Хатлон (санаи 06.02.26), ВМКБ (санаи 12.02.26) ва вилояти Суғд (санаи 18.02.26) доир гардиданд. Аз натиҷаи баргузории ҷаласаҳо протоколҳо тартиб дода шуда,  дар ин бора ахбори намояндагиҳо дар вилоятҳо ба КВД “БММҒ” пешниҳод карда шуд.

Инчунин, дар асоси нақшаи чорабиниҳои дохилиидоравӣ дар корхонаҳои минтақавии бақайдгирӣ маҷлисҳои умумии коллективӣ оид ба шарҳу тавзеҳи паёми Президенти Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии Ҷумҳурии Тоҷикистон” доир гардиданд.

КВД “Бақайдгирии молу мулки ғайриманқул” бо мақсади пешгирии омилҳои бавуҷудоварандаи коррупсия дар соҳаи замин, такмилу тақвият бахшидан ба қонунгузории соҳаи бақайдгирии давлатии молу мулки ғайриманқул ва ҳуқуқҳо ба он ва дигар соҳаҳое, ки хизматрасониҳои давлатиро ба танзим медароранд мунтазам чораҳои дахлдор меандешад.

Мутобиқи моддаи 12-и Қонуни Ҷумҳурии Тоҷикистон “Дар бораи бақайдгирии давлатии молу мулки ғайриманқул ва ҳуқуқҳо ба он” маҷмӯи нишондодҳои бақайдгирии давлатии молу мулки ғайриманқул ва ҳуқуқ ба он  якҷоя бо мақомоти омори ҷумҳурӣ таҳия гардида, бо қарори раиси Кумитаи давлатии идораи замин ва геодезии Ҷумҳурии Тоҷикистон аз 22.01.26, №12 ва фармоиши директори Агентии омори назди Президенти Ҷумҳурии Тоҷикистон аз 27.01.26, №9  тасдиқ ва мавриди амал қарор дода шуд.

Лоиҳаи нархномаҳо барои анҷомдиҳии амалиёти бақайдгирӣ, корҳои заминсозӣ ва кадастри замин, корҳои баруйхатгирии техникӣ дар таҳрири нав бо назардошти тағйиру иловаҳо омода гардида, мавриди баррасии роҳбарияти Корхона қарор дорад.

Тайи ин давра мактубу дархостҳои аз вазорату идораҳои марбута баррасӣ гардида, мактубҳои ҷавобӣ дар муҳлати муқаррарагардидаи қонунгузорӣ пешниҳод гардиданд.

Бо мақсади баланд бардоштани сатҳи огоҳии шаҳрвандон оид ба хизматрасонӣ дар самти бақайдгирии молу мулки ғайриманқул ва ҳуқуқҳо ба он  “Маркази ягонаи тамос” таъсис дода шудааст. Шаҳрвандон метавонанд бо телефони боварӣ 33-11 дар тамос бошанд ва ба саволҳои худ вобаста ба масъалаҳои бақайдгирии молу мулки ғайриманқул ва ҳуқуқҳо ба он ҷавоб гиранд.

Дар сомонаи Корхона муроҷиати электронии шахсони воқеӣ ва ҳуқуқӣ ҷой дода шуд, ки он ба таври худкор ба почтаи электронии info@registr-ni.tj ирсол мегардад. Инчунин барои дастрасии омма номгуйи санадҳои меъёрии ҳуқуқии амалкунандаи соҳа ҷойгир карда шудаанд.

Ҷиҳати пешгирӣ намудани тасарруф ва ҳолатҳои дигари коррупсионӣ ҳангоми истифодаи маблағҳои ғайрибуҷетӣ ва тақвият додани низоми электронии пардохти ҳаққи хизматрасониҳои давлатӣ ва бо меъёрҳои байналмиллалӣ мутобиқ намудани фаъолият низ корҳои назаррас анҷом дод. Дар натиҷаи мутамарказгардонии маълумоти муҳосибии ташкилоти ҷумҳуриявӣ ва ташкилотҳои минтақавии бақайдгирии давлатӣ тавассути барномаи электронии муҳосибӣ «1С-Корхона», кори муҳосибӣ шаффоф гардида, доду гирифти маълумотҳо ва кори мутахассисони соҳаи муҳосибӣ беҳтар гардид.

       Нақшаи кории Корхона барои соли 2026 бо фармоиши директори Корхона аз 30 декабри соли 2025, №445 тасдиқ гардида, сардорони воҳидҳои сохтории Корхона вазифадор гардиданд, ки иҷрои онро таъмин намоянд.

Ҷиҳати иҷрои фармони  Президенти Ҷумҳурии Тоҷикистон №586 аз 22.06.23 “Дар бораи тадбирҳои вусъат додани  ҳисоббаробаркунии ғайринақдӣ”, корхонаҳои минтақавии бақайдгирӣ  бо таҷҳизотҳои зарурии қабул ва пардохти ғайринақдии хизматрасониҳои муздноки соҳа - ПОС-терминалҳо ва бо QR-рамзҳо таъмин гардида, маблағи пардохти хизматрасониҳо ва хироҷ ба буҷет дар КДФ “Бақайдгирии молу мулки ғайриманқул” дар шаҳру ноҳияҳои ҷумҳурӣ тавассути онҳо амалӣ карда мешавад. Тибқи фармони директори КВД “БММҒ” аз 05.10.23, №282 дар Корхона нақшаи чорабиниҳо оид ба иҷрои фармони  мазкур тасдиқ гардида, комиссияи дохилиидоравӣ таъсис дода шудааст.

Дар низоми Корхона автоматикунонии муомилоти ҳуҷҷатҳо вобаста ба пардохти ғайринақдии хизматрасониҳои музднок, қабул ва интиқоли корҳои хизматрасониҳои музднок бо ёрии системаи пардохтҳои ғайринақдии бонкҳои шарики  ҶСП “Пардохти ҳушманд” ба роҳ  монда шуда, аз 03.06.24 дар тамоми корхонаҳои минтақавии бақайдгирӣ мавриди истифода қарор дорад.

          Номгуи хизматрасониҳои муздноки соҳа барои пардохти ғайринақдӣ  дар барномаҳо ва ҳамёнҳои мобилӣ ҷойгир карда шуданд. Руйхати хизматрасониҳои муздноки соҳа барои таҳияи Феҳристи ягонаи хизматрасониҳои давлатӣ ва ворид намудани тағйиру иловаҳо ба санадҳои меъёрии ҳуқуқӣ ба Вазорати адлияи Ҷумҳурии Тоҷикистон пешниҳод гардидааст.

          Номгӯй ва арзиши ҳама  намуди хизматрасониҳои  давлатие, ки аз тарафи КВД «Бақайдгирии молу мулки ғайриманқул» ва корхонаҳои давлатии фаръии дар сомонаи Корхона  www.baqaydgiri.tj ҷойгир карда шудааст.

Баҳри амалисозии босамари “Барномаи давлатии рушди соҳаи бақайдгирии давлатии молу мулки ғайриманқул ва ҳуқуқҳо ба он дар Ҷумҳурии Тоҷикистон барои солҳои 2022-2026”, ки бо қарори Ҳукумати Ҷумҳурии Тоҷикистон аз 29.07.22, №378 тасдиқ гардидаст, аз тарафи Корхона чораҳои саривақтӣ андешида шуд.

Мутобиқи нақшаи чорабиниҳо маблағи умумии барнома 10 600 000 сомонӣ ташкил медиҳад, ки манбаи маблағгузории он аз ҳисоби ташкилотҳои бақайдгирии давлатӣ дар шаҳру ноҳияҳо – 8 млн. 900 ҳазор ва аз ҳисоби сармоя ва дигар сарчашмаҳо – 1 млн. 700 ҳазор пешбинӣ гардидааст.

Дар соли 2025 маблағи иҷрои корҳо ва таҷҳизоти харидоришуда 7 481 190 сомонӣ, аз он иҷрои корҳои сохтмонии биноҳои маъмурии ташкилотҳои минтақавии бақайдгирӣ 2 039 005 сомонӣ, харидории таҷҳизоти муосири геодезӣ 377 446 сомонӣ, таҷҳизоти компютерӣ 4 188 005 сомонӣ ва харидории таҷҳизот барои серверҳо 777 311 сомонӣ ва барои такмили барномаи Низоми иттилоотии бақайдгирии молу мулки ғайриманқул (НИБ) 99423 сомонӣ ташкил дод, ки он ба 340% баробар аст.

Дар умум аз маблағи умумии барнома (10 600 000 сомонӣ) иҷрои корҳо ва харидории таҷҳизот дар солҳои 2022-2025, маблағи 29 057 843 сомонӣ ё  341,9%  ташкил медиҳад.

Феҳристи электронии бақайдгирандагони ташкилотҳои минтақавии бақайдгирӣ дар шаҳру ноҳияҳои ҷумҳурӣ аз тарафи шуъбаи бақайдгирии Корхона пеш бурда мешавад. Дар давраи ҳисоботи дар миқёси ҷумҳурӣ 258 воҳиди корӣ мавҷуд буда, дар айни замон 185 нафар бақайдгирандагон (КВД “БММҒ”- 1, вилояти Хатлон- 58, Суғд- 51, ШНТҶ- 67 ва ВМКБ- 8) нафар фаъолият доранд, ки ҳамаи онҳо аз аттестатсияи далхдор гузаронида шудаанд.

Анҷомдиҳии амалиётҳои бақайдгирии давлатӣ тавассути Низоми иттилоотии бақайдгирии молу мулки ғайриманқул (НИБ) пайваста зери назорат қарор дошта, дар давраи ҳисоботӣ ба воҳидҳои сохтори бақайдгирӣ дар миқёси ҷумҳурӣ дар маҷмӯъ 38869 адад (Хатлон-10170, Суғд-9643, ВМКБ-1123 ва ШНТҶ-17933) дархостҳо ворид гардидааст, ки нисбат ба ҳамин давраи соли 2025 ба миқдори 1598 дархост ё ин ки 5,0% зиёд мебошад. Дар давраи ҳисоботӣ воридоти дархостҳо дар вилояти Хатлон  нисбат ба ҳамин давраи соли гузашта мутаносибан 125 адад кам гардидаанд.

Аз шумораи умумии дархостҳои воридгардида дар семоҳаи якуми соли 2026 дар ҳолати боздошт 79 адад (Хатлон-21, Суғд-11, ВМКБ-2 ва ШНТҶ-45) қарор дошта ва нисбати 67 адад (Хатлон-20, Суғд-5, ВМКБ-3 ва ШНТҶ-39) дархостҳо амалиёти анҷомдиҳии бақайдгирии давлатӣ рад карда шудаанд, ки нисбати ҳамин давраи соли гузашта 69 адад кам мебошад.

Дар семоҳаи 1-уми соли 2026 дар 43461 ҳолати анҷомдиҳии амалиётҳои бақайдгирии давлатӣ ба маблағи 6370188 сомонӣ маблағи хироҷ ситонида шудааст, ки нисбат ба ҳамин давраи соли гузашта ба миқдори амалиётҳои бақайдгирӣ (2025-43346 адад)  115 ҳолат зиёд буда, маблағи хироҷ буҷет ба андозаи (2025-1 210 615 сомонӣ) 5159573сомонӣ зиёд ташкил медиҳад.

Дар давраи ҳисоботӣ аз тарафи ташкилотҳои минтақавии бақайдгирӣ дар шаҳру ноҳияҳои ҷумҳурӣ 26680 адад шаҳодатнома дар бораи бақайдгирии давлатӣ ба маблағи 4 984 245 сомонӣ дода шудааст, ки нисбати ҳамин давраи соли гузашта ба миқдори 1018 адад ва ба маблағи 14044 сомонӣ кам мебошад, ки ба шаҳру ноҳияҳои тобеи ҷумҳурӣ 685 адад ва ба вилояти Хатлон 551 адад рост меояд.  

Барномаи бознависишудаи “Низоми иттилоотии бақайдгирии молу мулки ғайриманқул” (НИБ) дар тамоми ташкилотҳои минтақавии бақайдгирӣ мавриди истифода қарор дода шуда, аз санаи 04.02.25 анҷомдиҳии амалиёти бақайдгирии молу мулки ғайриманқул тариқи низоми мазкур сурат мегирад.

Бо насб гардидани серверҳои пуриқтидор ва системаҳои нигоҳдории маълумот, дар заминаи барномаи НИБ модулҳои нави парвандаҳои заминсозӣ ва шиносномаҳои техникӣ таҳия гардиданд, ки айни замон дар тамоми 64 корхонаҳои бақайдгирии шаҳру ноҳияҳои ҷумҳурӣ мавриди истифода қарор дода шуданд. Ин имконият медиҳад, ки қабули аризаи (дархости) муроҷиаткунандагон, анҷомдиҳии амалиёти бақайдгирии давлатии молу мулки ғайриманқул, раванди омодасозии парвандаҳои заминсозӣ ва шиносномаҳои техникӣ тавассути барномаи электронии НИБ амалӣ гардад.

Ҳамзамон, ҳисоботи даврӣ оид ба иҷрои корҳои иҷрои корҳои заминсозӣ ва баруйхатгирии техникӣ ба таври худкор сурат мегирад. Ин имконият медиҳад, ки дар оянда барои дастрасии хизматрасониҳои соҳа тариқи Портали ягонаи хизматрасониҳои давлатӣ, ки аз ҷониби Агентии инноватсия ва технологияҳои рақамии назди Президенти ҶТ мавриди таҳия қарор дорад, мусоидат намояд. Иҷрои корҳои зикргардида бевосита аз тарафи мутахассисони КВД “БММҒ”  анҷом дода шуданд.

Маълумоти барномаи НИБ бо махзани маълумотҳои Кумитаи андози назди Ҳукумати ҶТ дар реҷаи мустақим (онлайн) пайваст буда, имконияти  ба зудӣ тасдиқ кардани шахсият ва аслӣ будани ҳуҷҷатҳои ашхосе, ки тарафҳои созиш оид ба молу мулки ғайриманқул  маҳсуб меёбанд, маълумот дар бораи аз андоз қарздор будан ё набудани молу мулки ғайриманқул, дастрасӣ  ба  маълумоти саҳеҳ бо истифода аз рақами мушаххаси андозсупорандагон (РМА) дар реҷаи онлайн, фароҳам оварда шудааст.

Ҳамзамон, дар доираи ҳамкорӣ байни КВД “БММҒ”ва Агентии инноватсия ва технологияҳои рақамии назди Президенти ҶТ, Низоми иттилоотии корхона ба  Низоми байниидоравии ҳамгироии иттилоотӣ (Smart bridge) пайваст карда шуда, API замима барои табодули иттилоот таҳия гардид.

Дар семоҳаи якуми соли равон мутахассисони шуъбаи барномасозӣ ва технологияҳои инноватсионии Корхона баъд аз ба анҷом расидани таҳияи Низоми идоракунии кадрҳо дар якҷоягӣ бо мутахассисони шуъбаи кадрҳои Корхона ворид намудани маълумотҳои кормандони дастгоҳи марказии Корхонаро пурра ба анҷом расонида, камбудиҳо ва пешниҳодҳоро мунтазам дар рафти воридкунии маълумотҳо бартараф намуданд. Айни замон Низоми мазкур пурра омода гардида, баъд аз омӯзиш ва фаҳмондадиҳӣ ба шахсони масъули соҳаи кадрҳо, дар корхонаҳои фаръии тобеъ тартиби истифодабарии низоми мазкур ба роҳ монда мешавад. Дастрасӣ ба дигар низомҳо ва барномаҳои электронии Корхона ба воситаи низоми мазкур тариқи худкор сурат мегирад.

Дар заминаи Низоми идоракунии кадрӣ феҳристи электронии кормандони Корхона ва ташкилотҳои минтақавии бақайдгирии давлатӣ ба роҳ монда мешавад. Дар аввал маълумоти кормандони Корхона ва баъдан марҳила ба марҳила маълумоти кормандони корхонаҳои тобеъ ба низоми мазкур ворид карда мешавад.

Дар барномаи электронии НИБ ва сомонаи КВД “БММҒ” (www.baqaydgiri.tj) панҷ намуди феҳристҳо (объектҳои молу мулки ғайриманқули бақайдгирифташуда, бақайдгирии шартномаҳои гарав, ҳабси молу мулки ғайриманқул, парвандаҳои заминсозӣ ва шиносномаҳои техникӣ) ҷой дода шудаанд. Феҳристҳои  мазкур ба шахсони воқеӣ ва ҳуқуқӣ дар реҷаи мустақим (онлайн) дастрас буда, онҳо метавонанд маълумоти заруриро нисбати объектҳои молу мулки ғайриманқули бақайдгирифташуда ройгон пайдо намоянд.

Ҳамзамон, аз тарафи барномасозони шуъбаи барномасозӣ ва технологияҳои инноватсионӣ  Низоми идоракунии молиявӣ таҳия гардида,  амалӣ гардонидани он дар нимсолаи дуюми соли ҷорӣ ба нақша гирифта шудааст.

Раванди ворид намудани маълумотҳо ба барномаи “Бойгонии электронӣ” таҳти назорат буда, ҷиҳати дуруст ворид намудан ва ислоҳ намудани хатогиҳо ба кормандони бойгониҳои корхонаҳои давлатии фаръӣ ёрии амалӣ расонида мешавад. Айни замон барнома  1 971 361 адад ҳуҷҷатҳои (маълумотҳои) объектҳои молу мулки ғайриманқулро дар бар мегирад. Маълумотҳои бойгонӣ ба зердомени boygoni.sabt.tj пайваст гардида, мутахассисон тариқи зердомени мазкур ба барнома дастрасӣ доранд. Бояд қайд намуд, ки маълумот оид тағйирот ба объектҳои молу мулки ғайриманқули нав бақайдгирифташуда ба таври худкор ба барнома ворид мешаванд.

       Қобили зикр аст, ки мутахассисони Корхона бо мутахассисони КВД “Шаҳри ҳушманд” дар самти рақамикунонии харитаи шаҳри Душанбе ва табодули иттилоот ҳамкорӣ намуда, барои табодули маълумот API-замима таҳия намуданд. Инчунин дар барои таҳияи модули графикӣ дар ҳамгироӣ бо Низоми иттилотии бақайдгирӣ (НИБ) ва такмили геопортал дар ҳудуди ҷумҳурӣ гуфтушунид намуданд.

          Корхона ва корхонаҳои фаръии тобеъ дар шаҳру ноҳияҳо бо интернети баландсуръат ва таҷҳизоти зарурӣ таъмин буда, конференсияҳо, ҷаласаҳо ва семинарҳои омӯзишӣ бо корхонаҳои фаръии тобеъ дар реҷаи мустақим (маҷозӣ) баргузор мешаванд.

 Дар давраи ҳисоботӣ вебинарҳои омӯзишӣ тибқи нақшаи бо фармоиши директори КВД “БММҒ” №21 аз 21.01.26 тасдиқгарида, бо иштироки муовинони директор ва мутахассисони дастгоҳи марказии Корхона вобаста ба масоили бақайдгирии молу мулки ғайриманқул ва ҳуқуқҳо ба он, заминсозӣ, баруйхатгирии техникӣ, истифодаи нархномаҳои хизматрасонӣ ва барномаҳои электронии соҳавӣ, аз ҷумла модулҳои нави заминсозӣ ва баруйхатгирии техникӣ бо кормандони корхонаҳои фаръии тобеъ баргузор гардиданд.

        Геопортали молу мулки ғайриманқул дар КДФ “Бақайдгирии молу мулки ғайриманқул” дар шаҳрҳои Душанбе, Ваҳдат, Ҳисор ва ноҳияҳои Варзобу Рудакӣ фаъолият дошта, қитъаҳои замини объектҳои молу мулки ғайриманқул мунтазам ба он ворид карда мешаванд. Дар доираи  такмилдиҳии геопортали молу мулки ғайриманқул барои ворид намудан, коркард ва нашр намудани маълумоти фазои марзҳои маъмурии шаҳру ноҳияҳо ва ҷамоатҳои ҷумҳурӣ, дар 4 адад серверҳои виртуалӣ барномаи ArGIS Enterprice 10.7 насб карда шудааст. Геопортал тавассути сомонаи КВД “БММҒ” (www.baqaydgiri.tj) ва дар суроғаи geoportal.tj дастраси мустақими инфиродӣ қарор дорад.

     Дар давраи ҳисоботӣ аз ҷониби корхонаҳои  минтақавии бақайдгирӣ 9297 адад ҳуқуқи истифодаи қитъаҳои замин (вилояти Суғд – 2098, ВМКБ – 327, вилояти Хатлон – 4057, шаҳру ноҳияҳои тобеи ҷумҳурӣ – 2815), аз он 628 адад хоҷагиҳои деҳқонӣ (вилояти Суғд – 208, ВМКБ – 31, вилояти Хатлон – 260, шаҳру ноҳияҳои тобеи ҷумҳурӣ – 129), 16 адад хоҷагиҳои иловагии ёрирасони шахсӣ (вилояти Суғд – 0, ВМКБ - 5, вилояти Хатлон – 6, шаҳру ноҳияҳои тобеи ҷумҳурӣ-5), 6408 адад қитъаҳои замини наздиҳавлигӣ (вилояти Суғд – 1341, ВМКБ – 78, вилояти Хатлон – 3079, шаҳру ноҳияҳои тобеи ҷумҳурӣ – 1910),  154 адад дигар намудҳои хоҷагидорӣ (вилояти Суғд – 49, ВМКБ – 6, вилояти Хатлон – 35, шаҳру ноҳияҳои тобеи ҷумҳурӣ – 64), 2091 адад дигар намуди қитъаҳои замин (вилояти Суғд – 500, ВМКБ – 207, вилояти Хатлон – 677, шаҳру ноҳияҳои тобеи ҷумҳурӣ – 707 адад) ба қайди давлатӣ гирифта шуда, заминистифодабарандагон бо шаҳодатнома дар бораи бақайдгирии давлатӣ таъмин гардиданд.

Дар ҳамин давра 15369 адад биноҳои истиқоматӣ ва ғайриистиқоматӣ, аз ҷумла ҷудогона ва иншоот, аз он дар вилояти Суғд – 4089, ВМКБ – 399, вилояти Хатлон – 3636 ва шаҳру ноҳияҳои тобеи ҷумҳурӣ – 7252 адад ба қайди давлатӣ гирифта шуданд.

Инчунин, 1336 адад маҳдудиятҳои (гарониҳои ҳуқуқ) ба молу мулки ғайриманқул (вилояти Суғд – 297, ВМКБ – 140, вилояти Хатлон – 315 ва шаҳру ноҳияҳои тобеи ҷумҳурӣ – 584), 15 адад қатъи мавҷудияти молу мулки ғайриманқул (вилояти Суғд-8, Хатлон-6 ва шаҳру ноҳияҳои тобеи ҷумҳурӣ –1 ),  762 адад қатъи маҳдудиятҳои гарониҳои ҳуқуқ ба молу мулки ғайриманқул (вилояти Суғд- 203, ВМКБ – 9, Хатлон – 173, шаҳру ноҳияҳои тобеи ҷумҳурӣ – 377 адад) ба қайди давлатӣ гирифта шуданд.

Ҳамзамон, ба шахсони воқеӣ ва ҳуқуқӣ аз Феҳристи ягонаи давлатии молу мулки ғайриманқул ва ҳуқуқҳо ба он 9907 адад, аз он вилояти Суғд – 1878, ВМКБ – 211, вилояти Хатлон – 1659 ва шаҳру ноҳияҳои тобеи ҷумҳурӣ – 6159 адад иттилоот дода шуд.

Ҷиҳати иҷрои банди 12-и «Нақшаи чорабиниҳо оид ба амалигардонии Барномаи давлатии рушди соҳаи бақайдгирии давлатии молу мулки ғайриманқул ва ҳуқуқҳо ба он барои солҳои 2022-2026” вобаста ба харидорӣ намудани таҷҳизоти муосири геодезӣ (GPS), дар соли 2025 аз тарафи корхонаҳои давлатии бақайдгирӣ дар шаҳру ноҳияҳои Турсунзода, Данғара, Ҷ.Балхӣ, Кулоб, Норак, Истаравшан ва Панҷакент 1 ададӣ таҷҳизоти муосири геодезӣ (GPS CHCNav-i73+)-и ширкати байналмиллалии CHCNav-и давлати Чин, дар умум 7 адад харидорӣ гардид. Айни замон дар корхонаҳои минтақавии бақайдгирӣ дар умум  22  адад (дар соли 2023- 6 адад,  соли 2024 - 9 адад ва соли 2025- 7 адад) таҷҳизоти муосири геодезии GPS  мавриди истифода қарор доранд.

Яке аз масъалаҳои муҳими соҳаи заминсозӣ ҷорӣ намудани харитаҳои кадастрӣ (рақамӣ) дар ташкилотҳои минтақавии бақайдгирӣ мебошад, ки ба ҳалли масъалаҳои ҳудудиву маъмурӣ мусоидат мекунад. Харитаҳои кадастрӣ бо мақсади бо тартиби муайян рақамгузорӣ намудан (рақами ягонаи кадастрӣ гузоштан), бо тартиб нигоҳ доштани ҳуҷҷатҳо дар бойгонӣ, ба танзим даровардани сарҳади заминистифодабарии қитъаи замин, назорат бурдан барои рӯ ба рӯ наомадани қитъаи замини заминистифодабарандагон дар ҳолати ҷудо ва вобаста намудани он ба шахсони воқеӣ ва ҳуқуқӣ ташкил карда мешавад. Пешбурди харитаи кадастрӣ дар ҳомилҳои коғазӣ ва электронӣ (магнитӣ) анҷом дода мешавад.

Мутахассисони соҳаи заминсозии КВД “БММҒ” ва корхонаҳои минтақавии бақайдгирӣ доимо дар ҳамкорӣ қарор дошта, баҳри мукаммал сохтани истифодабарии барномаи ArcGIS, махсусан бо ёрии барномаи мазкур пешбурди харитаҳои кадастрӣ (навбатдорӣ) дар шакли рақамӣ корҳои назаррасро ба анҷом расониданд.

Айни замон дар 37 ташкилотҳои минтақавии  бақайдгирӣ харитаҳои кадастрӣ (навбатдорӣ) дар шакли рақамӣ ҷорӣ гардидааст, ки мавриди корбарӣ қарор доранд, аз ҷумла дар шаҳру ноҳияҳои Панҷакент, Хуҷанд, Спитамен, Истаравшан, Айнӣ, Ашт, Б.Ғафуров, Зафаробод, Ҷаббор Расулов ва  Шаҳристони вилояти Суғд; шаҳри Хоруғ ва ноҳияи Дарвози ВМКБ; шаҳру ноҳияҳои Бохтар, Носири Хусрав, Ҷалолиддини Балхӣ, Дӯстӣ, Ёвон, Данғара, Норак, Кӯлоб, Темурмалик, Хуросон, Кӯшониён, Ховалинг ва Қубодиёни вилояти Хатлон, шаҳру ноҳияҳои Варзоб, Ваҳдат, Рӯдакӣ, Турсунзода, Шаҳринав, Ҳисор, Файзобод, Роғун, Нуробод, Лахш ва Тоҷикободи шаҳру ноҳияҳои тобеи ҷумҳурӣ ва шаҳри Душанбе.

Дар давраи ҳисоботӣ тибқи маълумоти НИБ 12246 адад муроҷиатҳои шахсони воқеӣ ва ҳуқуқӣ оид ба омода намудани парвандаҳои заминсозӣ, аз ҷумла дар вилояти Суғд – 2538 адад, вилояти Хатлон – 5211 адад, ВМКБ – 462 адад ва шаҳру ноҳияҳои тобеи ҷумҳурӣ – 4035 адад ба корхонаҳои минтақавии бақайдгирӣ ворид гардиданд.

Аз шумораи умумии муроҷиатҳо дар корхонаҳои шаҳру ноҳияҳои ҷумҳурӣ (12246 адад)  – 8236 адад (67,3%) парвандаҳои заминсозӣ ба маблағи 8 970 220 сомонӣ, аз ҷумла дар вилояти Суғд – 1722  адад (67,8%) ба маблағи 2 333 690 сомонӣ, вилояти Хатлон – 3125 адад (60%)  – ба маблағи 3 017 657 сомонӣ, ВМКБ – 137 адад (30%) – ба маблағи 201521 сомонӣ ва шаҳру ноҳияҳои тобеи ҷумҳурӣ – 3252 адад (81%) – ба маблағи 3 417 351 сомонӣ омода карда шудаанд.

Дар семоҳаи 1-уми соли 2026- 25 адад парвандаҳои заминсозӣ оид ба додани қитъаҳои замин, ки бо супориши Ҳукумати Ҷумҳурии Тоҷикистон сурат мегиранд, аз кумитаҳои идораи замини шаҳру ноҳияҳо барои гузаронидани экспертизаи ҳуҷҷатҳо ва мувофиқакунӣ бо вазорату идораҳои дахлдор ба Кумитаи давлатии идораи замин ва геодезӣ ворид гардиданд.

Аз онҳо баъд аз ташхиси техникӣ бинобар сабаби ҷой доштани камбудиҳо 17 адад парвандаҳои заминсозӣ бозпас гардонида шуда, 5 адад парванда дар мувофиқаи  вазорату идораҳо қарор дошта, 3 адад парвандаи заминсозӣ барои баррасӣ ба Ҳукумати Ҷумҳурии Тоҷикистон пешниҳод гардид.

 Дар давоми се моҳи соли 2026- 21 адад лоиҳаи қарорҳои Ҳукумати Ҷумҳурии Тоҷикистон оид ба гирифтан ва додани қитъаҳои замин (19 адад аз солҳои пешин ва 2 адад аз соли 2026) қабул гардиданд.

      Тибқи маълумоти аз барномаи НИБ дастрас гардида, дар самти барӯйхатгирии техникӣ дар давраи ҳисоботӣ аз тарафи ташкилотҳои минтақавии шаҳру ноҳияҳои ҷумҳурӣ ба миқдори 20953 адад корҳо ба маблағи 18 млн. 645 ҳазор сомонӣ ба иҷро расиданд, ки аз он 8644 адад барӯйхатгирии техникии асосӣ ба маблағи 10 млн. 121 ҳазор сомонӣ, 7294 адад барӯйхатгирии техникии ҷорӣ ба маблағи 7 млн. 121 ҳазор сомонӣ ва 4935 адад дигар намуди корҳо ба маблағи 1 млн. 446 ҳазор сомонӣ ташкил медиҳад.

   Аз нишондиҳандаҳо бармеояд, ки нисбат ба ҳамин давраи семоҳаи соли 2025 корҳои барӯйхатгирии техникӣ 2314 адад кам иҷро шудааст, ки ин ба маблағи 192 ҳазору 880 сомонӣ хизматрасонӣ кам иҷро гардидаанд.

   Коргузорӣ ва ҳуҷҷатнигорӣ дар Корхона тибқи талаботи Қонуни Ҷумҳурии Тоҷикистон “Дар бораи муроҷиатҳои шахсони воқеӣ ва ҳуқуқӣ”, Тартиби коргузорӣ бо муроҷиатҳои шахсони воқеӣ ва ҳуқуқӣ (қарори Ҳукумати Ҷумҳурии Тоҷикистон №276 аз 01.06.17), Дастурамали намунавии коргузорӣ дар мақомоти давлатӣ, корхона, муассиса ва ташкилотҳои дигари давлатии Ҷумҳурии Тоҷикистон (қарори Ҳукумати Ҷумҳурии Тоҷикистон аз 23.06.25, №355) ва Дастурамали коргузории КВД “Бақайдгирии молу мулки ғайриманқул” ва корхонаҳои тобеи он (фармони директори КВД “БММҒ” №49 аз 06.02.19) ба роҳ монда шудааст.

Почтаи электронии Корхона info@registr-ni.tj ва почтаҳои электронии корхонаҳои давлатии фаръии тобеъ доимо фаъол буда, тавассути онҳо мактубҳои воридотӣ ва ҳисоботи даврӣ қабул карда шуда, ҳуҷҷатҳои содиротӣ ба муассисаю ташкилоти дахлдор ирсол карда мешаванд.

Ҷиҳати иҷрои банди 11-и протоколи маҷлиси Ҳукумати Ҷумҳурии Тоҷикистон аз 17.01.25, №1 оид ба таъмин намудани фаъолияти самараноки гардиши пурраи электронии ҳуҷҷатҳо, санаи 19.02.25 Корхона ба “Низоми ягонаи гардиши электронии ҳуҷҷатҳо”, ки аз тарафи Агентии инноватсия ва технологияҳои рақамии назди Президенти Ҷумҳурии Тоҷикистон таҳия гардидааст, пайваст гардид. Шурӯъ  аз санаи 10.04.25 муомилоти электронии ҳуҷҷатҳо дар воҳидҳои сохтори дастгоҳи марказии Корхона пурра тариқи низоми мазкур амалӣ карда мешавад.

Дар давраи ҳисоботӣ Низоми ягонаи гардиши электронии ҳуҷҷатҳо дар  ҳашт КДФ “БММҒ” - дар шаҳру ноҳияҳои Душанбе, Ваҳдат, Ҳисор, Турсунзода, Рӯдакӣ, Варзоб, Шаҳринав ва Дарвоз мавриди истифода қарор дода шуд. Низоми мазкур соли ҷорӣ дар тамоми корхонаҳои бақайдгирӣ дар шаҳру ноҳияҳо давра ба давра роҳандозӣ карда мешавад.

Дар семоҳаи 1-уми соли ҷорӣ ба Корхона 31 адад санадҳои меъёрии ҳуқуқии Президенти Ҷумҳурии Тоҷикистон ва Ҳукумати Тоҷикистон, 53 адад супоришу протоколҳои Сарвазири Тоҷикистон ва муовинони ӯ ва Роҳбари Дастгоҳи иҷроияи Президенти Тоҷикистон ва муовинони ӯ, 21 адад барқияҳо, 511адад мактубҳо аз муассисаю ташкилотҳои мухталиф, 11 адад аризаҳои шахсони воқеӣ (хаттӣ – 7 ва шифоҳӣ – 4 адад) ва 3 адад аз шахсони ҳуқуқӣ (ҳамагӣ 14 адад аризаҳо) ворид гардида, онҳо тибқи талаботи амалкунанда баррасӣ карда шуданд ва ё дар марҳилаи баррасӣ қарор доранд. Аз Корхона 283 адад ҷавоби мактубу аризаҳо ирсол карда шуданд.

Ҳамзамон, 259 адад хулосаҳои вазорату идораҳо ворид гардида, барои корбарӣ ба шуъбаи таҳияи  парвандаи заминсозии Корхона равона карда шуданд. Мактубу дархостҳо ва муроҷиатҳои воридшуда тибқи қонунгузории амалкунанда дар муҳлати муайянгардида мавриди баррасӣ қарор гирифта, ба муроҷиаткунандаҳо ҷавобҳои мушаххас гардонида шуданд.

Дар давраи ҳисоботӣ лоиҳаи 79 адад фармоиши директори Корхона оид ба корҳои истеҳсолӣ, рухсатии меҳнатӣ,  расонидани кӯмаки молиявӣ, ба кор таъин, озод намудан ва ҳавасмандкунии кормандон таҳия ва ба тасвиб расидааст.

Дар сомонаи Корхона муроҷиати электронии шахсони воқеӣ ва ҳуқуқӣ ҷой дода шудааст, ки он ба таври худкор ба почтаи электронии info@registr-ni.tj ирсол мегардад.

Ҷиҳати иҷрои нақшаи чорабиниҳои ҷашн гирифтани 35-солагии Истиқлоли давлатии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 01.07.22, №305 тасдиқ карда шудааст, корҳои таъмирию сохтмонӣ дар биноҳои маъмурии ташкилотҳои минтақавии бақайдгирии давлатӣ аҷом дода шуданд. Дар соли 2022 биноҳои маъмурии кумитаҳои идораи замин ва КДФ “Бақайдгирии молу мулки ғайриманқул” дар шаҳру ноҳияҳои Кӯлоб, Ш.Шоҳин, Хуҷанд, Айнӣ ва Хуросон, дар соли 2023 - дар ноҳияи Роштқалъа, дар соли 2024 - дар ноҳияи Ховалинг ва дар соли 2025 - дар ноҳияи Варзоб сохта ва мавриди истифода қарор дода шуданд.

Корхонаҳо дар шаҳру ноҳияҳои Ёвон, Темурмалик, Ҳамадонӣ, Фархор, Левакант, Ҷайҳун, Лахш ва Ванҷ бо биноҳои собиқ филиалҳои ҶСК "Агроинвестбонк" ва ҶСК "Тоҷиксодиротбонк" аз ҳисоби маблағҳои талафи зарари заминҳои аз гардиши кишоварзӣ баровардаи Кумитаи давлатии идораи замин ва геодезӣ таъмин гардидаанд. Айни замон ҳамагӣ 56 адад биноҳои маъмурии ташкилотҳои минтақавии бақайдгирии давлатӣ дар тавозуни КВД "Бақайдгирии молу мулки ғайриманқул" қарор дошта, боқимонда 8 адад биноҳо дар ҳолати иҷора қарор доранд. Бояд зикр намуд, ки дар давраи муттаҳидшавии корхонаҳои тобеи КВД “Марказ-Замин” ва корхонаҳои фаръии бақайдгирии техникии КВД “Хоҷагии манзилию коммуналӣ” танҳо 16 корхона бо бинои маъмурӣ таъмин буданд.

    Аз ҷониби КВД “БММҒ ва корхонаҳои фаръии тобеъ дар семоҳаи 1-уми соли 2026 корҳои сохтмонӣ ба маблағи 192301 сомонӣ ба анҷом расонида шуданд, ки аз он сохтмони асосӣ маблағи  70000 сомонӣ ва таъмири ҷорӣ – 122301  сомонӣ   сомониро ташкил медиҳад.

Дар давраи ҳисоботи ба маъюбон, шахсони бесаробон, камбизоатон ва  дигар чорабиниҳои хайриявӣ ба маблағи 166153 сомонӣ кӯмакҳои хайриявӣ расонида шуд. Аз он дар корхонаҳои вилояти Суғд – 61145, ВМКБ-  19636, Хатлон- 59572, ШНТҶ ва шаҳри Душанбе - 25620 сомонӣ.

Тибқи нақшаи чорабиниҳои ҷашн гирифтани 35-солагии Истиқлоли давлатии Ҷумҳурии Тоҷикистон, ки бо фармони директори Корхона аз 12.04.22, №78 тасдиқ гардидааст ва нақшаи дохилиидоравии Корхона ва корхонаҳои фаръии тобеъ, кормандони дастгоҳи марказии КВД “БММҒ” ва КДФ “БММҒ” дар шаҳру ноҳияҳо дар маъракаи таҷлили идҳои умумимиллӣ ва корҳои ободонӣ, кабудизоркунӣ ва ниҳолшинонӣ муташаккилона ширкат меварзанд.

Дар давраи ҳисоботӣ аз тарафи корхонаҳои минтақавии бақайдгирӣ корҳои ободонӣ ба маблағи  149312 сомонӣ, аз ҷумла корхонаҳо дар вилояти Суғд – 24100, ВМКБ – 2500, Хатлон – 57050 ва  ШНТҶ – 65662 сомонӣ ба иҷро расиданд.

Ҷиҳати иҷрои қарори Ҳукумати Ҷумҳурии Тоҷикистон аз 29.06.24, №374 “Дар бораи Барномаи давлатии кабудизоркунии Ҷумҳурии Тоҷикистон барои давраи то соли 2040” ва қарори раиси Кумитаи давлатии идораи замин ва геодезӣ аз 19.02.25, №17 “Оид ба маъракаи ниҳолшинонӣ”, кормандони КВД “БММҒ” ва КДФ «Бақайдгирии молу мулки ғайриманқул» дар шаҳру ноҳияҳо дар маъракаи ниҳолшинонӣ ва кабудизоркунии маҳаллаю шоҳроҳҳои ба онҳо вобасташуда ширкат варзида, корҳои кабудизоркуниро бо шинонидани дарахтҳои мевадиҳандаю сояафкан ва гулу буттаҳо ба роҳ монданд.

Ҳамзамон, бо мақсади иҷрои супоришҳои протоколи машваратии назди Раиси Кумитаи давлатии идораи замин ва геодезӣ №3 аз 24.02.26 корҳои бунёди боғу токзор ва бо симтӯр иҳота намудани майдони 7,0 га қитъаи замин  дар маҳаллаи “Ховарон”-и ноҳияи Шоҳмансури шаҳри Душанбе аз тарафи КВД “БММҒ” ва Кумитаҳои идораи замин ва КДФ “БММҒ” дар шаҳри Душанбе ва шаҳру ноҳияҳои Ваҳдат, Ҳисор, Турсунзода, Рӯдакӣ, Варзоб ва Шаҳринав анҷом дода шуданд.

Дар давраи ҳисоботӣ шумораи ниҳолҳо ва гулу буттаҳои шинонидашуда  40284 ададро ташкил дод. Аз ҷумла, дар вилоятҳои Суғд- 14903 адад, Хатлон-  17372 адад, ВМКБ- 491 адад, ШНТҶ ва шаҳри Душанбе- 7518 адад. Аз шумораи умумӣ (40234 адад) ниҳолҳои мевадиҳанда 8289 адад, сояафкан 9712 адад ва гулу буттаҳо 22283 ададро ташкил медиҳанд.

КВД «Бақайдгирии молу мулки ғайриманқул» иҷрои талаботи Қонуни Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон” ва “Дар бораи масъулият барои таълиму тарбияи кӯдак”-ро зери назорати доимӣ қарор дода, дар маҷлисҳои назоратии назди директори Корхона, маҷлисҳои ҷамъбастии семоҳа бо директорони корхонаҳои тобеъ ва ҳангоми сафарҳои хизматию вохӯриҳо бо кормандони корхонаҳои тобеъ оид ба иҷрои ҳатмии талаботи қонунҳои зикргардида, пешгирӣ ва роҳ надодан ба шомилшавии ҷавонон ба ҳар гуна гуруҳҳои эктремистӣ сӯҳбатҳои алоҳида гузаронида мешавад.

Ҷиҳати иҷрои супориши Роҳбари Дастгоҳи иҷроияи Президенти Ҷумҳурии Тоҷикистон №16/10-113 аз 20.05.22, бо мақсади баланд бардоштани масъулияти кормандони Корхона дар донистани забони давлатӣ, ба роҳ мондани омӯзиши пурраю мукаммали Қонуни ҶТ “Дар бораи забони давлатии Ҷумҳурии Тоҷикистон”, “Қоидаҳои имлои забони тоҷикӣ ва Аломатҳои китобати забони тоҷикӣ”, бо фармони №158 аз 20.06.22 комиссияи амалисозии қонуни зикргардида таъсис дода шудааст. Дар Корхона нақшаи гузаронидани машғулиятҳои дохилиидоравӣ оид ба омӯзиши забони давлатӣ тасдиқ гардида, машғулиятҳо тибқи нақшаи тасдиқгардида амалӣ карда мешаванд.

Бо мақсади иҷрои фармони Президенти Ҷумҳурии Тоҷикистон аз 18.03.24, №795 бо мақсади тақвияти малакаи касбӣ, ҷаҳонбинии сиёсӣ ва сатҳи забондонии кормандон, бо фармоиши директори КВД ”БММҒ” аз 31.07.24, №317 дар Корхона омӯзиши забони хориҷӣ (англисӣ) барои кормандони дастгоҳи марказӣ дар давоми ҳафта ду маротиба ба роҳ монда шудааст.